Ayuntamiento de Burlada / Burlatako Udala

Europa Taldea, #ZuhaitzBatEuropatik – UnÁrbolPorEuropa

Burlatako Udala erabat konprometituta dago Burlataren garapen iraunkorrarekin, eta halaxe erakusten du Klimaren Aldeko Alkatetzen Itunari atxikitzeak edo Agenda 2030erako laguntza teknikoa garatzen ari den lanak.

Hala eta guztiz ere, Burlatako Udalak bere konpromisoa erakusten jarraitu behar du, ez bakarrik garapen jasangarriarekin, baizik eta Burlatako gazteak prozesu horietan inplikatzearekin, funtsezko sektorea baita erakunde gisa ezartzen ari garen helburuak lortzeko.

Ildo horretan, bat egin nahi dugu Europa Taldearen kanpainarekin (#UnÁrbolPorEuropa – #ZuhaitzBatEuropatik). Kanpaina hori Espainiako Europako Parlamentuaren Bulegoan abiarazi zen COP25 programaren barruan. Kanpaina horren bidez, Europa Taldeak udalerrietan sentsibilizatu nahi du herritarrek duten garrantzi handiaz, gure ekosistemak egoera osasungarrietan mantentzen laguntzeko eta gazteak beren etorkizuna eta oraina den borroka horretan inplikatzeko ekimenak bultzatzeko.

Horregatik guztiagatik, Burlatako Udalak,

ERABAKI DU:

Lehenengoa.- #UnArbolPorEuropa Zuhaitz bat Europatik, Europa Taldearen ekimenarekin bat egitea, Europa Taldeak ezarritako baldintzak betez.

Bigarrena.- Hau dio bere manifestuak:
“Europan tokiko jasangarritasuna sustatzeko konpromisoa
1.- Toki-eremuan iraunkortasunari buruzko gizarte-kontzientzia handitzea.

2.- Tokiko agintarien eta gizarte zibilaren arteko lankidetza sustatzea, batez ere gazteen artekoa, garapen jasangarria sustatzeko orduan.

3.- Aitortzea gazteek funtsezko zeregina dutela tokiko jasangarritasuna lortzeko, garapen jasangarrian, berotegi-efektuko gasen emisioen murrizketan eta kontserbazio ekologikoan duten interesa agerian geratu baita azken urtean.

4.- Norberaren udalerrian zuhaitz bat landatzea Europan zehar (edo askoz gehiago!), eta unean uneko argazkia Grupo Europarekin partekatzea, jasota gera dadin.

5.- Komunikazio instituzionalean, webgunean eta sare sozialetan tokiko iraunkortasuna sustatzeko kanpaina bat sustatzea eta beste alkate batzuk ekimen honekin bat egitera bultzatzea, #UnÁrbolPorEuropa leloa erabiliz ”

Hirugarrena.- 2021eko ekainaren 5a baino lehen, Ingurumenaren Mundu Eguna baino lehen, gure udalerrian zuhaitz bat edo gehiago landatzea.

Laugarrena.- Garapen jasangarriaren garrantzia ikusaraztea.

Bosgarrena.- Jasangarritasunaren arloko erabakiak hartzeko prozesuetan gazteak inplikatzea.