BurlataOn herritarrek parte hartzeko gunea da, Burlatako Udalak bultzatua. Bertan, Burlatako herritarrek eta herriko erakundeek beren intereseko gaiak zabal ditzakete, ikus-entzunezko edukiak (podcastak, streaming-a) sortu eta emateari esker. Udaleko arlo teknikoek beren jarduera proiektatzeko bitarteko bat ere bada.

Gaztelekun dago, eduki horiek landu eta zabaltzeko aukera ematen duen ikus-entzunezko estudio batean.

Gizarte-intereseko edozein gaik izan dezake lekua, informazio eta dibulgazio izaerarekin, bai eta edozein arlotakoak ere: soziala, kultura, kirola, aniztasuna, hezkuntza, euskara, berdintasuna, etab.

Parte-hartzea irekia dago pertsona, erakunde eta adin-talde guztiendako, salbuespenik gabe, baldin eta adierazpen-askatasunaren eta pertsona, sinesmen eta ideologia guztien errespetuaren printzipio gidariekin konprometitzen badira. Halaber, errespetuzko hizkera inklusiboarekin eta estudioaren eta haren tresnak zaintzarekin.

Parte hartzeko bi modu daude: modu aktiboagoan, proiektua kudeatzen duen eta edukiak sortzen dituen talde boluntarioan, edo egiten diren saioetan gonbidatutako pertsona edo erakunde gisa.

Edukiak Sortzeko Kontseilua du proiektuak, eta bera arduratzen da programazioa koordinatzeaz, planifikatzeaz eta parte hartzeko eskaerei eta proposamenei erantzuteaz. Kontseiluan, talde boluntarioaren koordinatzaileak, talde horretako bi kidek eta udaleko arlo teknikoetako bi ordezkarik osatzen dute.

Abenduaren 1etik aurrera

Lekua: GazteLab. Burlatako Gaztelekuko ikus-entzunezko estudioa

Edukiez gozatzeko: https://burladaon.webnode.es

Antolatzailea: Burlatako Udala

Laguntzailea: Nafarroako Gobernua