Ayuntamiento de Burlada / Burlatako Udala

2024ko urtarrilak 12

Burlata, ekidin ditzagun harrapaketak eta arriskuak

Urtarrilaren 16an abiadura kontrolak Burlatan

Foto noticia

Abiadura kontrolek aurrera jarraitzen dute Burlatan.

Iaz, abenduaren 1ean, abiadura kontrolei ekin zitzaien berriro Burlatan, oinezkoentzako eta txirrindularientzako hiri lasaiagoa eta seguruagoa lortzeko asmoz. Aurretik, komunikabideek eta sare sozialek radar mugikorraren instalazioaren eta kontrolatu beharreko kaleen berri eman zuten.

Egun horretan lortutako emaitzak gazi-gozoak dira. Eta hori guztia, pozik egon behar dugulako Erripagaña etorbidean eta San Frantzisko kalean ez zelako salaketarik jarri. Badirudi horrek agerian uzten duela, arriskua duten bideei buruz izan dezakegun sentsazioa gorabehera, aipatutako datuen arabera, abiadura-mugak errespetatzen direla. Hala ere, Maria Azcarate etorbideko emaitzak oso kezkagarriak dira, 157 salaketa izapidetzen ari baitira. Horrek esan nahi du bide horretan ezarritako mugaren gainetik gidatzen ari direla, oinezkoak eta bizikletako pertsonak arriskuan jarriz. Adierazi behar da abiadura eta emaitzak kontrolatu baino egun batzuk lehenago oinezko bat harrapatu zutela María Azcarate kalean.

Berriro ere, datorren asteartean, urtarrilaren 16an, abiadura-kontrolak ezarriko dira Maria Azcarate etorbidean, baita Kale Nagusian eta Erripagaña etorbidean ere.

Aste honetan Tokiko Gobernu Batzarrak onartu dituen kontrol-ekintza horiek, bide-seinaleak berritu eta hobetzearekin batera, mugikortasunaren ikuspegitik hiri seguruagoa bilatzeko lehen urratsak dira.

Volver arriba