Ayuntamiento de Burlada / Burlatako Udala

Abuztuaren 16an, ostirala, jende ugari hurbildu zen Larrañetako plazara, indarkeria matxistaren biktimen omenezko ekitaldi instituzionala zela eta.
Ekitaldi horretan, hainbat emakumek adierazpen bat irakurri zuten, Burlatako emakumeen elkarte eta kolektiboen ordezkari gisa.
Ohikoa denez, Udal Bandak parte hartu zuen, “isiltasuna” jo baitzuen, herritarrek zapiak altxatzen zituzten bitartean.
Erraldoien dantzak agurtu zuen ekitaldia, erraldoien eta buruhandien konpartsak ere urtero bat egiten du hitzorduarekin.
Eskerrak eman nahi dizkizuegu herritar guztiei zuen parte-hartzeagatik, konpromisoagatik eta eskuzabaltasunagatik, gure herrian indarkeria matxistaren inguruko isiltasuna hausteagatik, baita jaietan ere.