Duela 75 urte, Eusko Ikaskuntzak Euskararen Nazioarteko Eguna ezarri zuen abenduaren 3an. Euskararen balio unibertsala aldarrikatzeko eguna da, baita euskarari gainerako hizkuntzen artean dagokion lekua aldarrikatzeko eguna ere.

Ospakizun motiboa da, gizarte erakunde, euskaltzale eta instituzioen lan itzelari esker, euskara gaur egun hizkuntza bizia izatea, zalantzarik gabe. Hala ere, zuhurra izan behar da. Estatus hori gorabehera, euskara osasun egoera ezin hobean egotetik oso urrun dago. Horren adibide da UNESCOk egoera ahulean dauden hizkuntzen zerrenda batean kokatu duela, baita egoera normalizatua bizitzetik urrun dagoela ere.

Guk, udal talde hauetako kide garenok, Euskararen Nazioarteko Egunean, euskara gure egunerokotasunean gero eta gehiago txertatzeko borondatea adierazi nahi dugu, eta herritarrak euskara gero eta gehiago erabiltzera animatu nahi ditugu, euskara eguneroko zeregin eta jardueretan ohiko hizkuntza bihurtu arte.

Horregatik guztiagatik, eta euskararen normalizazioak politika eta jarduera ausartak eskatzen dituenez, Udal honek konpromiso hauek hartzen ditu:

1. Euskal hiztunen hizkuntza-eskubideak bermatzea, eta pixkanaka administrazioan zerbitzu- eta lan-hizkuntza izateko konpromisoa hartzea.

2. Euskararentzako espazio sozialak eta arnasguneak bultzatzea eta indartzea.

3. Euskal hiztun berri gero eta gehiago izan daitezen bultzatzea, eta euskararen ezagutza eta unibertsalizazioa bultzatzea eta indartzea udalerrian.

4. Herritarrek euskararekiko duten atxikimendua indartzea, euskararen aldeko jarrerak sustatzea eta herritarrak euskararen munduez gozatzera animatzea helburu duten ekintzak sustatzea.

5. Hiztun-kopurua eta euskararen erabilera areagotzeko jarduerak planifikatzea eta praktikan jartzea, bereziki gazteen artean eta eremu ez-formaletan.

Beraz, Burlatako Udalak euskaraz bizitzeko konpromisoa hartzera animatu nahi ditu herritarrak. Hona hemen, laburbilduta:

1. Dakienak edonon eta edonorekin erabiliaz.

2. Ez dakienak, ikasiz.

3. Erdizka dakienak, erabiliz, hobetuz.

Era berean, Udalak dei egiten die udalerriko euskal hiztunei euskara erabil dezaten Administrazioarekin duten harreman orotan, ahoz zein idatziz.

Hizkuntzaren alde egitea jendearen alde egitea da,
bulkada eder bat, negu beteko paisaia ere eder egiten duena.
Ez du amorerik ematen, arnasa hartzea bezalakoa da.

Hizkuntzaren alde egitea ados jartzea da,
lertxun saldoak zerua gurutzatzeko ados jartzen direnean bezala,
elkarrekin joaten direnean nekea txikiagoa baita.

Apostar por la lengua es apostar por la gente,
un hermoso impulso que hace hermoso también el duro invierno.
No se rinde, es como respirar.

Apostar por la lengua es ponerse de acuerdo,
como cuando las bandadas de grullas se ponen de acuerdo para cruzar el cielo,
cuando van juntas el cansancio es menor.

Castillo Suarez