Adierazpen instituzionala ekainaren 28a dela eta, LGTBI+ SEXU ASKATASUNEN ETA HARROTASUNAREN NAZIOARTEKO EGUNA

Ekainaren 28an LGTBI+ Harrotasunaren Nazioarteko Eguna ospatzen da. Lesbianen, gayen, transen, bisexualen eta intersexualen eskubideen aitorpenean lortutako aurrerapenei balioa emateko eguna da hau.

1969ko ekainaren 28an Stonewallen matxinada New Yorken gertatu zenetik, data hori lorpen guztiak aldarrikatzeko eta ikusarazteko une bihurtu da, oraindik lortzeke dagoen guztia ahaztu gabe.

Hemendik ere, urte hauetan zehar gure inguruko LGTBI+ kolektibo eta pertsonen sexu- eta genero-aniztasunaren aldarrikapena eta defentsa aitortu eta balioetsi nahi dugu, indartsu jarraitzen duen mugimendua.

Adierazpen instituzional honen bidez, Udal honek LGTBI+ pertsonen eskubideekiko duen konpromiso politikoa berretsi nahi da, urteko egun guztietan. Burlatako herritar guztiei, LGTBI+ pertsonei barne, mesede egingo dieten politika publikoak bultzatzeko lanean jarraitzeko konpromisoa agertu du udal honek.

Testuinguru horretan, Burlatako Udaletik:

1. Gure babesa ematen diegu berdintasuna sustatzeko helburua duten eta estereotipoen aurka borrokatzen duten ekimen eta ekintza guztiei, horrela LGTBI+ pertsonen onarpen soziala hobetuz.
2. Gure kezka berezia adierazten dugu gorrotoaren diskurtsoaren gorakadaren aurrean, eta erakunde guztiei eta gizarte zibilari eskatzen diegu arrazismoa, xenofobia, homofobia, transfobia eta beste intolerantzia modu batzuen aurkako borrokan beren lana areagotzeko.
3. Aniztasun afektibo-sexualean eta hezkidetzan oinarritutako hezkuntzarekin dugun konpromisoa erakusten dugu, funtsezko tresnak baitira funts publikoekin sostengatutako ikastetxe guztietan derrigorrezko diskriminazioa desagerrarazteko.
4. Aitortzen dugu LGTBI+ pertsonen eskubideen alde lan egiten duten gizarte zibileko erakundeen lana eta erakunde guztiekiko lankidetzaren balioa, dagoen edozein diskriminazio amaitzeko eta berdintasunezko politika publiko inklusiboak bultzatzen jarraitzeko.
5. INAI/NABIk bultzatutako LGTBIfobiarik Gabeko Udalerrien Sareari atxikitzeko konpromisoa hartzen du, eta, horrela, beste udalerri batzuekin batera lan egingo du sexu- eta genero-aniztasuna balioetsiko duten politika publikoak garatzeko.
6. Gure konpromisoa agerian uzten dugu ebazpen instituzional hau onartuz eta argitaratuz, bai eta ostadarraren bandera duen olana eta Berdintasuna aniztasunean/Berdinak aniztasunean leloa jarriz ekainaren 28aren inguruan, udaletxeko fatxada nagusian.

Burlatako Udalak herritar guztiei eta, bereziki, LGTBI+ kolektiboei gonbidapena egiten die aniztasuna eta izateko eta bizitzeko askatasuna duintasunez eta beldurrik gabe aldarrikatu eta ospatzeko egun hau agendan sartzeko, espazio publikoak kolorez eta aldarrikapenez betez, Burlata herri berdinzaleagoa eta anitzagoa izan dadin.

Sexu- eta genero-aniztasuna Giza Eskubideen gaia da, herritar guztiei mesede egiten diena, eta bertan ezin da inolako atzerapausorik onartu. Horregatik guztiagatik, Burlatako Udalak herritar guztiak eta, bereziki, LGTBI+ kolektiboak gonbidatzen ditu ekainaren 28aren inguruan antolatzen diren ekitaldietan parte hartzera eta, bereziki, uztailaren 1ean, larunbatean, Burlatako Udal Parkean eginen den LUMAK jaialdian parte hartzera.