Ayuntamiento de Burlada / Burlatako Udala

Larunbatean, abuztuak 19. Ermitaberri ikastetxeko jolastokian.

Arroza kultura anitzen elementu bat izanik, helburua arrozaren bidez aniztasunaren aberastasuna partekatzea da eta aldi berean, burlatarrak kultura arteko topagune batez goza daitezen.

Izena eman duten koadrilek arroz plater ezberdinak prestatuko dituzte, beren kulturaren edo gustuen arabera, gainerako partaideekin eta bertaratutakoekin errezeta, arrozak prestatzea eta dastatzea partekatzeko. Arroz bat prestatu nahi duten lagun eta elkarteek abuztuaren 11 baino lehen eman behar dute izena Kultura-aniztasun eta Migrazio Zerbitzuaren  676787212 telefonora whatsapp bat bidaliz.

Udalak osagaiak ordainduko ditu.

Ekitaldiaren ordutegia:

11.30ean Arrozen prestaketaren hasiera.

13.00ean Dastatzearen hasiera.

Bertaraturikoek arroz guztiak dastatu ahalko dituzte dohainik. Platerak eta edalontziak berrerabilgarriak izanen dira eta  1 €ko fidantzagatik hartu ahalko dira eta edari bat doan. Ekitaldiaren hondarrean fidantza berreskuratuko da platerak eta edalontziak itzultzean.