Ayuntamiento de Burlada / Burlatako Udala

Burlatako Udaleko LGTBI+ arlotik , Burlatan 2022ko irailean eta urrian garatuko dugun «Parte-hartze prozesua: konektatu eta parte hartu!» ekimenean parte hartzera animatu nahi zaituztegu.

Prozesu honekin, udaleko LGTBI+ Arloa ezagutarazi nahi dugu Burlatako herritar ORORI eta  gizarte sare eta eragileei; gaian interesa duten bertako pertsona eta talde guztiekin harremanetan jarri nahi dugu, eta haien ideia, ekarpen eta proposamen nagusiak jaso nahi ditugu.

Modu hauetan parte har dezakezu:

ONLINE – Burlatan LGTBI+ berdintasunaren sentsibilizazio eta sustapenerako herritarren parte-hartzeari buruzko galdetegia betetzen. Gaztelaniaz eta euskaraz dago eskuragarri 2022ko urriaren 21era arte:

Gaztelera: https://forms.gle/eK2upeAtK4MHP3RG8

Euskara: https://forms.gle/AGRw6kMS2Bbpyb238

PRESENTZIALA –  Modu irekian, antolatuko diren partehartze saioetan eta Udaleko atal batzuetan izena ematen. Interesatzen bazaizu, idatz iezaguzu e-mail bat lgtbi@burlada.es helbidera (adierazi mesedez elkarte/kolektibo baten ordezkari gisa edo modu partikularrean bazatoz).