Ayuntamiento de Burlada / Burlatako Udala

IZEN EMATEA ZABALIK!!

Izena emateko http://www.irunerrikomintzakide.org/ web orrian aurkituko duzun formularioa betez edo etxean jasoko duzuen izen emate orria udaletxera ekarriaz.

Zer da mintzakide?

Euskaraz hitz egiteko ohitura duten pertsonak eta mintzapraktika egin nahi dutenak biltzeko programa da.

Zertarako?

Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko.

Nola?

Astean behin: ordubetez, talde txikietan. Paseoan, kafetegian, parkean… Euskaraz hitz egiteko ohitura dutenak eta mintzapraktika egin nahi dutenak elkartuta. Gainera, beste taldeekin irteerak, kultur jarduerak, afariak, kirol ekintzak, Mintza Eguna, etabar egiten dira.

Parte hartzeko baldintza

Euskaraz komunikatzeko gutxieneko maila izatea.

…eta gurasolaguna eta parkelaguna aldaerak?

Ikastetxeko gurasoak beste gurasoekin biltzen dituen mintzakidearen aldaerak dira. Haurrak direla eta, euren ordutegi edo zaintza beharretara egokituta dago.